選擇金飾原來都要格價！！真係一肚氣呀～～

咪以為金價度度都一樣，就諗住買金飾只係睇款就唔洗諗咁多。
今日親身經歷嘅事，真係激氣到我要即刻寫出黎俾大家評下理！！

話說今日同花師奶去買金飾，當然選擇老字號品牌啦！
所以分別去咗 "周先生" 同埋 "周大叔"選購。
而花師奶好鬼醒，一早就買定一ｄ金條到時可以金換金，趁低吸納嘛！！
鬼咩～～而家ｄ金一日比一日高，真係睇到眼都凸埋。


返到屋企梗係拎ｄ單出黎比較一番，花師奶就突然大大聲話．．
（喂！！！有冇攪錯，你睇下呢度．．買入又收佣買出又要收佣架咩？）

再拎埋另一間嘅單黎睇．．
（唔係喎．．．周大叔唔洗收架喎！）

花師奶一怒之下就拎個計數機出黎狂篤！！
（攪錯呀！！！收多我成＄１６３３呀！！聽日真係打電話去鬧爆佢先得）


證據如下：
周先生５兩黃金先要扣損耗0.05兩，得返4.95兩 ！！
再要收２％佣，先再乘返個金價，得出結果實收＄５３１６７


周大叔就直接用５兩乘以金價10960，得出結果實收＄５４８００



我哋仲夾埋有２兩印有周先生字號嘅金粒去周大叔度換，
Ｄ姐姐好人到話唔洗扣損耗啊！呢ｄ咪服務囉～
買金嘅人都知，如果拎其他金鋪嘅金去換一定會打少少折扣架

仲有呀仲有呀，ｄ手工價錢都差好遠，前後加埋真係冇咗幾千蚊！
早知一早先行入呀大叔度睇先咪冇事囉．．．



所以．．．可能好多人都只會求方便，是但入一間買晒佢就算。
唔係因為今次我地貪人地不同嘅款式靚，走晒去兩間度買．．．
真係唔知原來咁大分別囉！！！！


各位聰明嘅消費者，大家真係要小心格價啊！！

Ｐ．Ｓ　我同花師奶發誓唔會再幫襯佢呀～～～

關於 Eunice Kam

Eunice Kam　－　由一個攝影發燒友，到後來因想拍到模特兒最美的一面，毅然去學習化妝及造型。為了統籌自己的婚禮更去修讀了wedding planner課程，為Muz Wedding的成立舖路。

婚姻是一世的承諾。
現今的婚禮各具特色，而作為新人的你們誰不想擁有一個獨特而屬於自己的婚禮？但要怎樣才能做到，卻是充滿學問。千萬不能小看一些看似雞毛算皮的事，其實足已左右大局。由主題婚禮、場地佈置、拍攝婚紗照、造型及化妝，以至小小的回禮物品，都代表著新人的個性及獨特風格。

"Muz Wedding" 希望從各方面為每對新人打造一個屬於自己的婚禮！
Muz Wedding 是由 Eunice 和丈夫 Mil 一手創辦，而創辦的原因是他們在統籌自己的婚禮中得到無限的樂趣，所以希望把心德和大家分享。 更重要的是Eunice 希望從工作中能帶給別人歡樂，甚至認為這比賺錢更有滿足感。故立志投身婚禮行業，希望從工作上都可以帶給別人幸福及快樂。

Eunice 會為各新人解答種種有關婚禮上的問題，希望每對新人都可以擁有一個永遠難忘而快樂的婚禮！


-- 相片攝自台灣攝影的好朋友Twiggy

結婚有潮流，潮流興結婚？

每位準新娘在結婚之前都一定會心情緊張，不停苦惱一切關於婚禮既事情，著咩婚紗？SET個咩頭？擺酒定旅行結婚？今年興咩潮流？

係！冇錯，而家結婚都要講潮流！！"呢件婚紗個cutting好似有D老土喎！"，"呢個髮型形而家唔興喇！"，"而家化妝興自然D喎！” 每一樣都要跟貼潮流，千其咪做一個 "OUT" 嘅新娘新郎。

於是．．．大家就會不停狂買一大堆關於新婚雜誌。
香港，台灣，歐洲，日本，通通同我包起佢！

本地嘅雜誌，我比較喜歡睇"大日子"，佢整體感覺好grand，同一般婚禮雜誌唔同，係一本可以緊貼潮流嘅婚禮雜誌。大家有冇去買番本睇吓？ 呢～～平時大人地成個碼果本啊！

今次好榮幸被大日子邀請成為 Darizi Wedding Expert (大日子婚禮顧問)，
希望可以幫到各新人解答婚禮上各種問題。
大家如果有關於籌備婚禮上遇到嘅困難，
歡迎到大日子討論區嘅專家「婚」類指引度留言啊！

喜帖 DIY 大行動

現今擺酒嘅酒店或酒樓一般都會送埋喜帖。
但由於款式有限，仲會印埋酒店或酒樓上去，
所以好多人可能都會自己到外面再印製喜帖！

但經過多番找尋之後，發現．．一係就唔夠靚而靚嘅就一定貴！
冇計啦，結婚嘅支出咁大，唯有左慳右慳 (我幾時變得咁慳家嘅呢?? )
所以，我哋實行喜帖 DIY 大行動。
希望收到帖嘅朋友可以感受到我哋嘅心意啦！

喂喂喂～～千其唔好轉個手就掉左張帖呀！
係我辛辛苦苦咁一張張整出黎架呢！
簡直係充滿住我嘅愛心同心血呀！！！！




好～～等我黎開始喜帖 DIY 教學

主要材料：珍珠咭紙、絲帶、水晶
(水晶記得要揀swarovski，因為真係閃ｄ架！ )



先用design好要print嘅字同圖案，然後print上card紙上面

CUT好需要嘅SIZE，將深色嘅放底，
而深色咭紙四邊邊長比淺色大 1CM，
咁貼埋一齊就可以做出layer效果了！！

用兩隻顏色嘅絲帶左一條右一條咁扣住 (代表"緊扣"嘅意思)

放到喜帖頂部嘅位置 (注意左右要balance喔！)

用膠紙在後面定好位置 (繩結要放在中間位置)

用漿糊筆將深淺色咭紙貼好

小心鉀起水晶

到蠟燭將水晶底部嘅膠整溶

整溶咗就可以貼上需要嘅位置喇！！

貼好了！！！！

將帖入落喜帖信封咁就大功告成！！

Night Walk

model: Coyran
makeup: Eunice K.
photographer: Eunice K.

http://www.fotop.net/eunice/eunice10

呢個其實係一個design....囉...

話說有日去Lane Crawford行街，見到有對深紫色鞋，一見就愛上。
一來佢係深紫色，(最鍾意囉) 二來似convers款啵 。
想買多對黑色嘅高筒款襯下衫但一直未見到岩心水。
一見到就知道，係佢了！！

個design好得意，刻意地將鞋頭同鞋身白色嘅做到好似著舊咗有D dirty mark。
而家D designer真係乜都夠膽死，原來咁都可以係一個design！(不過我like)

(注 : 呢D相係發生意外之後拍的)





意外終於發生...

今朝出門口前，如常地"姐姐"會問想著咩鞋
(注意！我家上下成日懷疑呢個姐姐係深山出黎既！)

我 : Purple one, pls.
姐姐 : oh, i see i see (高八度聲線)

佢先搵對紅色，再搵對黃色，跟住再黎黑色

我 : I mean the PURPLE one.
姐姐 : oh, i see i see～～～

跟住拎對黑白色拖鞋俾我.....

我 : NO,I mean he PURPLE one. not this....
姐姐 : oh, i see～～～

終於搵到...一打開個盒，我當堂嚇左一跳。
點解我對鞋會變得咁乾淨架！！？？
丫～～～～好嬲呀！！(攪咩呀你) 但係又唔可以怪佢...
話晒人地幾好心機將我對鞋刷得咁乾淨，但我真係好想喊囉...
真係唔知好嬲定好笑....


就係咁...呢對賴有design嘅鞋，只係比我著左一次就變成咁，
完全係改變咗人地成對鞋既design。
呢位designer，真係對你唔住了！！

我都未及時幫佢影張遺照呢....

哇...你睇下！乾淨到呀，直頭新既一樣呀！！