台北我來了

半夜二時，正在準備明天的台北之旅，心情非常期待。
明早九點多我就會由香港飛過來了！
台北的好朋友，等我喔～～

香港嘅朋友我吔初九之後見喇！

最愛的桃紅與黑

自從 Diana+ 出左 Flash 版之後，一直都比佢復古 look 嘅閃光燈深深吸引。
因為可以將個放落 LC-A 度一齊用，真係一個唔錯嘅配搭。
但一直推出嘅 Diana F+ 都未有一個令我好想買嘅顏色，所以就遲遲未有入手。
心諗，如果你出桃紅色我就買梗你啦！（雖然我已經有一部Diana...不過冇flash架嘛！）

今日大年初一出去拜完一日年返屋企，半夜三更去check email嘅時間竟然有個重大驚喜！！！
收到 lomography.com 嘅一封newsletter ，一睇完就立刻醒神晒。


登～登～登～登～～～～～
就係見到呢部靚到飛起既 Mr. Pink Diana F+！
桃紅襯黑，想殺死人咩？



我覺得呢部機簡直就係lomoshop特別為我而設架囉！（多謝晒～）

你話係咪非買不可先！？

希望 lomoasia 快ｄ有得賣啦！

牛年快樂！

恭喜發財～牛年快樂！！
祝大家新年快樂，心想事成，富貴在心中！

新的一年又到了，希望２００９年有個新開始。
今年想 relax d ，決定咗去台北玩，不過沒有任何行程嘅安排，
總之瞓醒背住相機想去邊就去邊，周圍影。真係爽呀！
順便可以見吓識左好耐既影相朋友。真係好期待喔～

台北我來了～～"初五女生拍照日" 的朋友們等我喔！！！

復古娃娃兒

今日shopping時發現咗幾隻好有型嘅復古娃娃，一直好容易比呢類型插畫設計吸引嘅我，

左揀右揀唔知買邊隻好之際，卒之買咗幾隻順便可以送比幾位遠方好友！yeah~~

(當然我會留返一隻俾自己啦！呵呵～)

　

　

返到屋企，我急不及待上網搵下呢位插畫師同呢ｄ公仔。

四款公仔由 oddeggy 設計，利用Poker做主題，名為Poker Doll。

真係好靚啊！！估下我留左邊隻俾自己？

　

　

i feel so cold too, meow~~~~~

　
天氣轉冷了好多，每天我都愛睡在ｂ媽剛脫下來的大衣上！好溫暖啊～

ｂ媽怕我太冷，而我又不喜歡穿著那種傻傻的貓衣服　(害我看起來不夠帥啊！)

所以ｂ媽為左準備了一條好帥氣的圍巾，漂亮吧！！=^.^=

成功的婚禮

兩件大喜事在剛剛過去嘅完旦假期發生。
就係我四位好朋友結婚了！！！
兩個婚禮都令我覺得好感動同都開心。
唔單止因為你哋係我好朋友，
而係我深深感受到你哋對對方嘅愛！ (sweet都爆呀！！！)



Jing & Sum Kit　～　2008.12.31


一個帶動全場keep住興奮心情嘅婚禮

先係新郎哥同新娘嘅嘅"愛的宣言"同致詞。
估唔到平時搞笑嘅佢，都會有咁感性而又深情嘅一面。(感動到我都喊咗)
跟住即場在台上進行簽紙儀式，令所有賓客都可以一齊睇到。
中斷仲上台唱左一首情歌送比可愛嘅新娘子，
有台風再加上勁有台型，令全場嘅賓客不停歡呼，不停大聲呼叫！
又唱得幾好聽喎，我哋直頭好似睇演唱會咁呀！！we~~~~o~~~we~~




Karen & Jason　～　2009.01.02


一個我從未見過咁多人喊嘅婚禮

十一年嘅愛情長跑，見證咗你哋之間嘅愛同信任。
致詞果part我已經感動到不得了！(又喊，仲比好似比James偷影左)
中斷突然唔見左新郎哥，原來佢一早準備左自彈自唱比靚靚老婆仔聽！
新郎哥話自己係"音樂白痴"，所以請朋友教佢同用左好長時間去練歌。
突然唱咗幾句突然有一part入左幾次都入唔到個音，全場嘅朋友睇到好緊張之制，
仲有兩位朋友仔想上前幫拖！！跟住新郎哥只講左一句，
"唔洗幫我，我想自己一個人完成佢！"　全場既朋友深深感受到佢嘅努力！
仲一齊大聲咁叫　"加油呀，Jason！！"，而感動嘅新娘子就不停企喺琴邊一邊聽一邊流淚。
所有人都比佢哋感動。 最後首歌完成之後，新娘上前緊緊抱住新郎哥！
呢個．．．係我第一次見最多人喊既婚禮！！



結婚一生人一次，到底點至算係一個成功既婚禮？
我認為，兩個婚禮都搞得好成功，帶動晒全場嘅興奮同感動嘅心情！

P.S. 最後祝你們永遠幸福快樂，白頭到老！