被埋司馬十一兄邀請做一個專訪。咁就去食個飯順便做個訪問囉,
我哋仲拎左好多機出黎"晒冷"添呀!
之後收到十一哥嘅消息話星期五段專訪就出街,令我非常期待。
今朝一早好興奮地走去做一件好耐冇做既事,就係買番份報紙!
打開副刊,仲唔比我搵到你!!
成半版紙係關於我哋嘅訪問同相片,真係振奮人心!!
我足足開心咗成日吖!

第一次做訪問,自問亦唔係一個特別出色嘅攝影者,
但今次嘅訪問,鼓舞咗大家對LOMO嘅熱誠,
應該話,會令我哋有一種動力繼續去做得更好。
LOMO會令人覺得係玩具機,同埋唔專業,
其實拍LOMO嘅人,一樣會認真去拍每一張相。
pro與唔pro,並不在於你用幾勁嘅器材去拍,係在於你對相景嘅態度!
好喜歡司馬兄喺專訪內嘅一句 "要拍,就認真地去拍"
個人認為,LOMO係一種藝術,亦有人覺得好抽象。
不過人哋點睇並唔重要,只要自己拍得開心先係最緊要,
或者大家就係嚮往呢種隨意及不理世俗眼光嘅感覺吧!
我理得你話我哋扮型,話我哋另類,不過你唔可以話LOMO=唔pro!
Thank you Mr.Shima, You made my day!!



photo by Shima11