Lost

model: Anna Yu
makeup: Carman Cheng
styling: Mil Kong
photographer: Eunice K.

　

　

　

　

　

　

　

　

貓貓講秘密！！！

原來貓貓都會傾偈架喎！！哈哈哈～

　
　
　
　
　
其實佢地想講咩呢，
我地搵專誠搵咗貓語言學博士幫我地翻譯一下
去片～～～

婚戒選擇困難症

wedding前準備嘅事項，最困難既一環莫過於揀婚戒。
大大小小嘅牌子都睇過，上網左睇右睇．．．

Ｕ：喂，呢隻好靚呀！
奶仔：咁肉酸．．．

Ｕ：哇～～～好鍾意呢隻呀
奶仔：咦～唔鍾意，咁怪！

奶仔：呢隻幾好喎
Ｕ：超～～有幾好呀，咁鬼MAN

而我哋就永遠都搵唔到一隻大家都好鍾意嘅款。
到底要個款特別，定係要襟睇？
　
　
睇咗幾間之後入咗cartier，咦？
呢隻唔錯吖一粒粒正方粒幾有型

但一試上手...ｄ手指一夾埋就好唔舒服...太厚...
妖...d desgin可唔可以舒適d呀大佬，話晒都戴成世架嘛
　
　
再睇，Double C！！

wa....隻女裝靚到呢～～～好無敵！
點知奶仔呢個時候又話：隻男裝好唔靚囉，開晒口勁女人
丫車．．．．．． 咁再睇囉

　
　
去到Van Cleef Arpels，好多款都好鍾意，
呢兩隻真係好靚呀，不過太貴了。
鬼咩，咁多石．．唔貴就奇！

最後揀左隻黎試，個款好簡單，
有個方型嘅位鑲住粒圓型嘅石

試上手好貼好舒服呀，
叫個sale姐姐抄個number比我先！

人哋話PN好多款，又去睇下先。
拎左幾款試上手，um...好似玩具， 好輕同埋好括手囉，
一戴上手就分出高下 ，同埋ｄ款太花巧喇，唔襟戴。


最後都係決定要VCA，點戴都唔會out，同埋最緊要戴得舒適。
咁o岩花師奶話七月頭去意大利玩，叫我嗱嗱聲揀完佢就幫我買，
果邊點都平過香港嘅，仲有得tax return，好似好著數喎！！！正～～
　
　

Our Choice

Plan My Wedding

作為Wedding Planner去plan自己嘅婚禮，都算係一個幾得意嘅挑戰。
每完成或決定一件事，就向前踏進一大步。

每日有一時間就抽空呢度搵果度摷，我出名係Research王黎架嘛！
當然係希望搵到ｄ又平又正嘅嘢啦！
好彩身邊都有好幾Pair朋友結婚，搵到嘅嘢就可以大家一齊share啦。
你哋有咩搵唔到就搵我喇～～～～～
因為我好多嘢都搵晒同攪掂晒喇！！問我啦～～問我啦～～

需知道大部份結婚嘅新人都係不外乎 "要慳！！又要靚！！！"。
因為要攪一個婚禮，真係要洗好多嘅錢，仲可能有ｄ錢會用喺一ｄ你想像唔到嘅事。
總之，乜都係錢！！！！！

但我覺得，一切都係值得嘅！
都係果句啦，一生人一次吖嘛！你話係咪？

兄弟姊妹團 dress code

今日又有新嘢玩，兄弟姊妹們！！！睇下你哋嘅dress code先啦～～
紫色我覺得又grand又有型喎，嘿嘿嘿～

呢個網站好得意，各位就結婚嘅朋友，如果唔知兄弟姊妹著咩color？
咁就啱晒啦！呢度可以比你慢慢襯餐飽！
　

入去自己玩下啦→Dress Your Wedding
　

夢想中的婚禮

去邊度行禮好呢？
記得細個夢想自己既婚禮可以係華麗嘅教堂舉行，大大下就發現．．．
乜原來唔係間間教堂都係有五顏六色嘅玻璃窗咩？
噢．．．原來天主教堂同基督教堂仲有分別架！
自己唔係教徒，就更加唔可以晌教堂舉行．．．夢想幻滅？


點知有日我 Research王上網搵料嘅時候，
竟然比我發現有兩個 "扮教堂" 嘅行禮場地，岩晒！！！
約個時間去睇場啦不如～


第一個晌尖沙咀，gogogo~~~~
一上到去感覺都唔錯(少少細啦...)，第一時間飛去睇個ROOM先！
整個ROOM可以放到大約60人，想像一下坐滿晒有ｄ迫
望一望簽紙張table．．．喂喂喂！！！唔岩數喎～
邊有人新人入教堂之後要掉番轉坐係度望住ｄ人簽紙架？
仲有４個位添？MIX & MATCH咩家陣！
仲有就係中間俾新人行出來條路太窄喇，有ｄ美中不足。


第二個晌太子，又去實地考察吓先。
睇相就覺得佢影得好靚，去到一打開門．．．
哇～～～～～～～～～
白雪雪加埋紫色地毯，仲有五顏六色嘅玻璃窗呀！！！(中毒 )
拿拿拿～～教堂行入去之後係企係度背住ｄ人架 (呢ｄ咪扮得似囉！)
服務員仲好好招呼咁請我地坐喺第一排，跟住話：
「我而家開個音樂俾你哋聽吓，可以自己幻想吓個情景吖。」
(呢ｄ咪SALE囉，服務態度唔錯！加分～)
場地比之前睇尖沙咀嘅大ｄ，可以坐到100人
雖然比之前一間貴少少，不過咁既氣氛同可容納嘅人數，抵返啦～～

十分鐘後．．．服務員返黎再同我地介紹一吓個PLAN同詳細情形。
基本上我當時個腦已經乜都聽唔到，只係不停幻想行入去個畫面，
由得呀MIL一個人係度聽 (唔知佢知唔知道我當時遊咗雲呢 嘿嘿～)


過左兩個星期，同MIL大人傾掂數後就決定俾錢！！！YEAH~~~~~




*photo from Amazing Wedding