2010-05-31 信報專訪:【婚禮革命】

Click HERE to enlarge.

不停想ENCORE的日本料理

上次 "呀佘" 同 "左兄" 介紹咗一間好正嘅日本菜，食完一餐之後，簡直回味無窮！

只可惜上次太肚餓關係，只顧食而完全冇意識佢影低D美味嘅食物，

到諗起果時原來已經全部食清光！（我知係我太為食嘅...）

所以今次原班人馬決定再ENCORE！！

之後呀佘都會好型咁叫老闆 "不如你幫我哋點啦!"

而我哋就抱住呢個期待又緊張嘅心情咁．．．．．．．等！

今日嘅魚生係．．．．大眼雞！？

噢．．．原來唔係，係金目鯛至真！（個樣洗唔洗咁似大眼雞呀又．．）

嗯！肉質好清新，好味！

每次必叫嘅火燄三文魚SUSHI！

當我同 "心豬" 知道會黎ENCORE之後，我哋足足掛咗佢幾日．．．

好掛住佢果種入口即溶嘅感覺，肉質厚身肥美，入口仲要暖暖地。死梗～～ 

再黎一人一口芝士焗年糕。當美女侍應放底後我心諗，（都係果D野啦）

以為黎黎去去都係果D味道，估唔到食落口  "有驚喜！！！！"

呢個叫 "福袋" ，咬落去真係會覺得好幸福架！

食果時是有秘訣的，就係．．．"記得襯熱食，但係食果時小心熱。 " XD

好啦，咬開佢比你睇下喇！！有汁架，仲有D一粒粒嘅野！

係一隻隻小鮑魚呀～～～～～～～～仲好厚肉！堅野～

冇D暖笠笠野落肚點得呢，

不如黎返個魚湯石頭窩烏冬啦！

個魚湯好甜啊～～～D烏冬好彈牙啊～～～～

同場加影鰻魚芝士卷！

點解得幾舊咁少？我仲好想食呀！！！

除左以上嘅佳餚，我哋仲有好多美食啊！

I will be back~~~~~~~~~~!!! XDDD