台中拍攝 Pre Wedding 實錄

忙碌嘅工作之中可以放幾日假真係爽！
不過今次唔係去玩，只係因為要去台中影Pre Wedding。
　
之前上網做過好多research，最後揀左台中既 MasaLiLi。
膽粗粗做咗booking就飛過，好彩今次機票係用分換，總算慳番 d 啦！
Pre Wedding photo，最平果個 package 係七千幾包埋酒店，一D都唔貴。
　
　
到步第一時間去酒店check-in先。
雖然唔係咩五星級酒店，不過好新淨，唔錯！

　
　
跟住搭架的士去門市試衫，total 包左五套女裝兩套男裝。
試到我．．．好攰好攰．．．
款式算好多，不過亦唔係件件都岩心水，
因為果ｄ粉紅呀，藍呀，黃呀，橙呀．．都not my cup of tea！
襯個女仔行開咗，偷影一張先！呵呵～
呢件我最後有揀嘅其中一件婚紗，貪佢夠簡單扮晒歐洲款嘛～

　
　
試完衫果夜去咗最近我哋酒店嘅蓬甲夜市。
記得食亞財烤肉呀，好好味！！！
不過你估都估唔到，我哋食夜市食足咁多日，仲日日都要幫襯吓亞財．．．
(又洗唔洗食咁多日呀又.....)
鬼咩～晚晚返酒店果時得番夜市仲有嘢食咋......

　
　
第二日，一早十點就去化妝，化咗兩個鐘到就開始影相，

一影就影咗十個鐘．．． 攰死
不過佢地細心，準備晒午餐同晚餐。 (午餐D三文治又幾鬼好味喎！)
　

　
去台中咩都冇買，只係買左一本書。(好慳家啊我！)
係出發前Twiggy提我去買的，佢話新出的！Thank you babe～～

　

　

拍後感：
最後我地揀左 70 張相，埋單七萬幾台幣，即係港幣一萬七千幾到啦！

唔算貴喇，唔好忘記係包左三晚酒店同埋拍照當日嘅租車喎。

揀出黎嘅相我哋都好滿意，好多謝攝影師 阿Ben 同燈光妹妹 阿九 服侍咗我吔一日。

而家真係好心急想睇相呀！！！