東京血拚蜜月之旅 - 行到腳斷都要行

今日嘅行程係：学芸大學→涉谷→原宿

一起身就去食個拉麵先，又係奶仔最愛拉麵店，

全因佢有特濃湯底！正呀～～

唔洗諗，唔識叫嘅話就一人一碗招牌麵，一定唔會出事！呵呵～～
記住要加埋溫泉蛋呀！！

我鍾意對爆佢黎食！D蛋汁流晒出黎好正啊～～

奶仔就話鍾意成隻對喎！！蛋汁充滿晒成個口，wow~~~~

下一站，Camera People Store！！
好多朋友仔成日問我條相機繩係邊度買，今次就親身帶你黎睇一睇！

店內有好多相機帶同皮套，都係店主自家出品，
而且全部都係皮造架！！

　

仲有專for LCA嘅皮套，可惜我同你冇緣，因為要等３個月先起到貨．．．　＞＿＜

店內除咗有皮帶同機套之外，仲有film同相片

店主原來都係保麗萊愛好者喔！

買完我最愛嘅機帶之後，就到澀谷原宿Shopping，

我更加係未停過咁食野．．．哈哈！

咦～～～～呢間野好多人排隊喎，試吓喇喂！

YEAH~~~~好美味嘅魚餅啊

每次黎日本我都好想搵桃汁飲，周圍不停地搵，而每次奶仔問我我都係答佢 "桃汁吖！"

以為今次終於搵到，仲係 "期間限定" （哇。。。好似好勁咁喎）

點知買左．．．=_=" 哇．．好苦呀～～～～～～咩黎架！！

跟住奶你就話，你買咩呀？桃啤黎架喎呢個．．．（＠＠係喎．．．．）

以後每當奶仔一入便利店就會問我 “係咪飲桃啤呀你？” （死八公丫～～>"<）

落原宿無論行去邊都好，我哋都鍾意先穿過竹下通。

睇下有咩平野都好嘛！！

點知．．我又想食．．．^0^

唔係講笑，呢間個餅整得好好味。
我叫左個朱古力雪糕加香焦　YUMMY~~~

睇下有咩得意野買比朋友仔先！

比我見到ｄ好得意既火柴

個火柴頭cute到咁，又點會捨得用呢？真係好得意啊！！

點解東京既冬天，未夠５點就天黑？

每次我都必去ANNA SUI，毛巾仔超平丫！

半層的Laforet，入面有我鍾意既Moussy Extreme！！
記得有次朋友問我　"咦？你隻Moussy錶邊度買架？我未見過Moussy有錶架喎！"

其實就係Laforet既Moussy Extreme，入面會有ｄ平時你晌普通Moussy見唔到既野


Forever21同H&M風格好相似，鍾意H&M既朋友可以去行下


奶仔最愛HaNjiRo
點解？因為好多二手同扮二手既衫

仲有兩層咁大架！！！

話咁快六點個天就黑齊

再行MARC BY！
可以昅下佢有冇咩discount野，
有時仲有機會搵到日本獨有既貨品喔！

愛帽人士必到CA4LA

又返池袋搵食！！
行完一日攰攰地，一出池袋站東口都未行到去sunshine60之制．．
不如就呢間啦， 好似好得意喎！

個人非常喜好食OKONOMIYAKI，好興奮呀！！
原來係自己燒架！！好玩ｘ１０～～～～～

除左食燒餅，食肉獸奶仔係冇可能唔食肉的！！XD
哇．．．好似好pro咁喎！

車～～我夠識整咯！

OKONOMIYAKI未燒前



先將佢放上個板度，整成一個圓形

差唔多喇，反一反佢先！
（點解要用慢火燒？真係令到我心情好緊張，食得未呀～～～）

YEAH~~~攪掂！！加上燒汁同旦黃醬之後．．．
我ｄ口水已經滴落張台上面了！哈哈～～～

今餐我地覺得好得意，雖然唔係食得好貴，
但係返香港唔會有機會咁食架喇！好好味呀～～～～