東京血拚蜜月之旅直擊 - Day 1 池袋

之前一直忙結婚嘅事情，已經好耐冇update過blog了。
遲ｄ先同大家講我既WEDDING啦！而家先黎一個旅遊直擊先～

好快又到咗我期待嘅東京血拚之旅！點解又係東京？
因為一月頭有大減價丫嘛！！
可惜．．上機前竟然忙記最緊要嘅野！！（我本旅遊書呢？？@@）
唯有去機場買返本啦．．．呢本係我認為最清楚及詳細嘅！


好耐都冇睇小說，行過見到呢本書被佢個書名吸引咗！買～～


到步後已經天黑，但千其唔好浪費半點時間，
去tokyo hands八樓潮聖吓ｄ貓咪小物先！
我要買手信比ｂ仔呀～～～


仲有貓咪ｃａｆｅ，不過太晏啦，成７點半人地都閂門喇．．


食飯前hea落去tokyo hands行吓d得意野，ｄ相機小物多到呢．．．
　

奶仔未落機已經狂話要去食嘅燒肉！（有冇咁掛住呀你．．）

價錢唔算貴，成個set都係1000yen咋！你睇奶仔個樣就知佢有幾想食 ^0^

開餐啦～～yeah

肉汁非常之咁美味！！有牛舌，牛肉厚切同埋奶仔話最正既肥滕滕牛肉！

師父即場燒比你睇！！哇～好好火呀真係～～

講到食，我地係唔會比佢停嘅！！
行過七仔記得買返隻美味半熟蛋，冇介紹錯架！！

今晚我地就住係行去JR只雖一分鐘嘅Metropolitan，夠晒方便呀！！